Mecca, Saudi Arabia - June 12, 2024: A public bus, a free transportation facilities in Makkah city, Saudi Arabia for Muslims pilgrims who perform hajj and umrah.
سعودی عرب – پبلک ٹرانسپورٹ میں بزرگ شہریوں کے لیے 50 فیصد رعایت۔
کے این واصف
بزرگ افراد کے تئن نرم گوشہ اور کی قدر و منزلت ہر ملک میں کی جاتی ہے۔ اسی سلسلہ کی ایک کڑی کے طور پر ریاض میں پبلک ٹرانسپورٹ نے بزرگ شہریوں کی قدردانی کے لیے خصوصی اقدام کا اعلان کیا ہے جس کے تحت انہیں ریاض کی بسوں اور ٹرین کے استعمال پر 50 فیصد رعایت فراہم کرنے کا اعلان کیا گیا ہے۔
سبق ویب سائٹ کے مطابق پبلک ٹرانسپورٹ نے کہا ہے کہ یہ رعایت ہر اس شخص کے لیے دستیاب ہے جس کی عمر 60 سال یا اس سے زیادہ ہو۔
رعایت حاصل کرنے کے لیے قومی شناختی کارڈ یا اقامہ اسٹیشنوں پر موجود سیلز آفس کو دکھایا جائے گا۔
یہ اقدام بزرگ شہریوں کے لیے سہولت بھری خدمات کو فروغ دینے، انہیں کم خرچ میں سفر کا موقع دینے اور دارالحکومت کے ٹرانسپورٹ نیٹ ورک میں زیادہ آرام دہ اور لچکدار روزمرہ کے سفر کی سہولت فراہم کرنے کے تحت کیا گیا ہے۔
سعودی عرب اردو نیوز بزرگ شہری پبلک ٹرانسپورٹ
About The Author
