کے این واصف
دنیا مین ذیابطیس یا شوگر کا مرض جس تیزی سے پھیل رہاہے اس مرض سے متعلق تحقیق کا کام بھی اسی تیزی سے جاری ہے۔ سعودی طالبات نے آنکھ کے پانی/ آنسو کے ذریعے جسم میں شوگر کی ریڈنگ لینے والا کانٹیکٹ لینس ایجاد کرلیا جسے سعودی اتھارٹی میں پیٹنٹ کیا گیا ہے۔
العربیہ کے پروگرام میں اپنی ایجاد کے حوالے سے تفصیلات بتاتے ہوئے سعودی طالبہ لیان السبیعی کا کہنا تھا کہ انہوں نے اپنی دیگر ساتھیوں جن میں نورہ حسن العلی، نورہ محمد مبارک اور لولوہ عبدالعزیز کے ساتھ مل کر ایسا کانٹیکٹ لینس ایجاد کیا ہے جو آنسو سے خون میں موجود گلوکوز کی مقدار کو جانچ کرسکتا ہے۔
طالبہ نورہ العلی کا کہنا تھا کہ ان کی ایجاد کانٹیکٹ لینس اور ایپلیکشن پر مشتمل ہے۔ لینس آنسوؤں کے ذریعے خون میں موجود گلوکلوز کا تعین کرتا ہے اور حاصل ہونے والی ریڈنگ ایپلیکیشن پر منتقل ہوجاتی ہے۔
ان کا مزید کہنا تھا کہ اس ایجاد سے شوگر میں مبتلا معمر افراد یا کم عمر بچوں کو کافی فائدہ ہو گا کیونکہ ایپلیکیشن کے ذریعے بچوں کے والدین یا معمر افراد کی دیکھ بھال کرنے والوں کو شوگر کے لیول کے بارے میں فوری معلومات حاصل ہو سکیں گی اور وہ بروقت دوائی دے سکیں گے۔
About The Author
