Haram
کے این واصف
دھوکا دینے والے ایجنٹس عازمین حج کو ٹھگنے اور دھوکا دینے سے بھی گریز نہین کرتے۔ اس سلسلہ مین وزارتِ حج و عمرہ نے خبردار کیا ہے کہ حج کے لیے غیر سرکاری اداروں سے لین دین نہ کرین۔ مقامی عازمین بھی حج پیکیج کی بکنگ وزارت حج کی ویب سائٹ یا “نسک” پورٹل سے کریں۔
اخبار 24 کے مطابق وزارتِ حج وعمرہ نے امسال فریضہ حج کی ادائیگی کے خواہش مندوں کو سختی سے ہدایت کی ہے کہ فرضی حج کمپنیوں سے خبردار رہیں۔ بیرون مملکت کے عازمین حج اپنے ملکوں کے سرکاری حج مشنز کے ذریعے حج ویزے حاصل کریں جو کہ دنیا 80 ممالک میں کام کر رہے ہیں۔ ایسے ممالک جہاں حج مشنز نہیں وہاں مقیم حج کے خواہشمند “نسک حج” پورٹل کے ذریعے حج بکنگ کرا سکتے ہیں۔
اندرون مملکت سے عازمین حج کے حوالے سے وزارت کا کہنا ہے کہ سرکاری سطح پر جاری ہونے والے پیکیجز کے ذریعے حج بکنگ کی جائے جو کہ وزارت کی ویب سائٹ یا نسک پورٹل پر جاری کیے جاتے ہیں۔
وزارت نے عازمین حج کو سختی سے ہدایت کی ہے کہ سرکاری متعلقہ ادارے سے جاری ہونے والا حج پرمٹ ہی قابل قبول ہوگا جو وزارت کی ویب سائٹ یا پورٹل سے جاری کیا جاتا ہے۔ فرضی حج خدمات فراہم کرنے والے ادارے یا اس حوالے سے گمراہ کن اشتہارات سے محتاط رہیں۔
وزارت حج نے مصدقہ معلومات کے لیے متعدد زبانوں میں ہفتے کے ساتوں دن 24 گھنٹے کی بنیاد پر انفارمیشن سینٹر کی سہولت فراہم کی ہے۔ جس کے لیے اندرون مملکت سے ٹول فری نمبر 1966 جبکہ بیرون مملکت سے 00966920002814 پر رابطہ کر کے حاصل کی جاسکتی ہے علاوہ ازیں ای میل کی سہولت بھی عازمین کے لیے فراہم کی گئی ہے۔
About The Author
