کے این واصف
سعودی وزارت لیبر نے نجی اور غیر منافع بخش اداروں کےلیے عیدالفطر کی تعطیلات کا اعلان کیا ہے۔ اخبار 24 کے مطابق وزارت نے بیان میں کہا کہ عید الفطر کی تعطیلات سنیچر 29 مارچ( 29 رمضان) کو کام کے اختتام سے شروع ہوں گی اور چار دن تک جاری رہیں گی۔
اس سے قبل سعودی سینٹرل بینک کی جانب سے عیدالفطر کی تعطیلات کے حوالے سے کہا بتایا گیا تھا کہ یکم شوال بروز اتوار 30 مارچ سے عیدالفطر کی تعطیلات کا آغاز ہو گا اور چار شوال بمطابق بدھ 2 اپریل تک جاری رہیں گی۔
عیدالاضحی کی تعطیلات کا آغاز جمعرات 9 ذوالحجہ 1446 بمطابق 5 جون 2025 سے ہوگا اور 10 جون 2025 تک جاری رہیں گی۔
مکہ مکرمہ اور مدینہ منورہ کے علاوہ سرحدی علاقوں میں عازمین حج اورعمرہ زائرین کی سہولت کے لیے مخصوص برانچیں دوران تعطیلات حسب معمول کام کرتی رہیں گی تاکہ عازمین وعمرہ زائرین کو کسی قسم کی دشواری کا سامنا نہ کرنا پڑے۔
درین اثناء سعودی ڈائریکٹریٹ جنرل آف پاسپورٹ اینڈ امیگریشن “جوازات” نے عید الفطر کی تعطیلات اور ایمرجنسی بنیادوں پر کھولےجانے والے دفاتر کی نشاندہی کی ہے۔
مقامی میڈیا کے مطابق جوازات کی جانب سے جاری بیان میں میں کہا گیا کہ ریاض کے ’ “حی الرمال” میں جوازات کے دفاتر رمضان میں 21:00 سے رات کے 1:00 بجےتک کام کریں گے۔
جدہ کےصیرفی اور تحلیہ مال میں جمعہ 28 رمضان تک اوقاتِ کار 21:00 سے رات کے 2:00 بجے تک ہوں گے۔
مملکت کی دیگر کمشنریوں میں جوازات کے اوقات اتوار سے جمعرات تک صبح 10:00 سے 14.30 تک جبکہ حائل ریجن کے دفاتر دوپہر 12:00 سے 15:00 تک کام کریں گے۔
جوازات کا مزید کہنا ہے عید الفطر کی تعطیلات میں ہنگامی کام کےلیے ریاض کے الرمال آفس میں صبح 8 سے 14:30 تک کام ہوگا جبکہ حائل میں صبح 10:00 سے 14:00 تک کھلیں گے۔
عید الفطر کے پہلے دن جوازات کے تمام ریجنل دفاتر میں سرکاری سطح پرعام تعطیل ہوگی۔
About The Author
